म बन्द कोठाभित्र थुनिएर
संघर्ष गरिरहंदा
‘त्यो पागल छे’ भन्नेहरु
आज
मेरै आँगनको छेउ-छेउमा
मेरो भाग्यको चर्चा गर्दैछन् रे !
‘भाग्य त उसको जस्तो
लिएर आउनुपर्छ
मेरो भाग्य किन फुटेको?’
भन्दै,
कुराकै मात्र पहाड बनाउनेहरु
मेरो भाग्य पछाडिको चट्टानसंग केही परिचित छैनन् ।
संघर्षको काँडै -काँडाले सजिएको
बाटो हिंड्दा
रक्ताम्य भएका मेरा पाउले आज शिखर चढेको देख्दा
उनीहरु आजपनि आफ्नै भाग्यलाई नै दोष दिदैछन रे !
आऊ ! संघर्ष गर
सङ्घर्षको मैदान तिमी र मेरो लागि एउटै छ
अनि हेर कर्मको उपज
तिम्रो भाग्यले
तिम्रै अगाडि ताली बजाउने छ
हो, तिमीलाई सङ्घर्षले भाग्यशाली बनाउने छ।
No comments:
Post a Comment