यसमा कुनै शब्दजाल हुँदैन
न प्रश्न- उत्तरको खेल।
जति मन लाग्छ हराउन सक्छौ।
न कुनै सिमितता र लुकाछिपिको खेल।
बाटो गन्तव्य बिहिन हुन्छ,
आँखाहरुको गन्तव्य हुन्छ,
आधी लक्ष्यबिहिन हुन्छ,
घरको एउटा लक्ष्य हुन्छ।
खुम्चिएको होइन पहाड,
दिमाग खुम्चिदै-खुम्चिदै जान्छ।
आकारबिना फिजारिएको बेसि
हातले नाप्दा आफ्नो हुन्छ।
दङ्ग पर्दै, घामले सायद मेरै कारण
माटो छोएको भनिदिन्छ
ती शब्दहरू एक-अर्कामा गाँसिएका छन्
सीमित पानामा सबै थोक हुनुपर्दछ।
कुनै पुज्नु पर्ने कुनै फ्याक्नु पर्ने।
अर्थ अनेक, बिधि अनेक
हुनसक्छ पत्थर पनि आफै आश्चर्यचकित हुन्छ।
..
#दुर्गा
No comments:
Post a Comment